English
Music1975 guestbook (265) Sign guestbook
لاننطاع:- العيب والخطأ مانى ليهن تباع. ونعرف أقدار بوعيون أوساع ونعرف رفق لجواد دين وسده . ونعرف الايام العمر ماتنباع وكل شى يرجع فى أختام مرده . لله سبحان البديع أبدع أبداع الكون أثنين شيء وضده. الجرح خالقهوجع ووجاع. والصبر معاه رجاه . رجاه يسده.
شينك غمه فراق الغوالي زاد قلبي همه و الياس في عروقي امشي سمه وصارت الدنيا في الانظار خرابه مشتاق نا عطر العزيز انشمه و نحكي معاه و خاطري يطرابه
ياليبيا ناسك نهار الشده..... راه كل لحد منهم خذا تجاه ياليبيا عندي لهم مسوده.... فيها مسجل كل احد بسماه فيهم اللي دونك وقف من جده.. مايريد شي الا لوجهه الله وفيهم اللي لايعرق لايتنده.... ولامستحي منك يريد اكراه جابه طمع سراق طالق يده... محلل جميع اللي تجي يالاه وفيهم اللي عالطاهرات تعده... الله يلعنا ويلعن اللي رباه وفيهم اللي بهت ألقي لابده...فداك يندفع راسه وروس ضناه وفيهم اللي يلغب رحيله عده.... مع درب من قبله مشو قرباه كرس وين ماقالوا كمل لمسده.. وجاء يقول ناحاضر نهارسداه وفيهم اللي صاحب صحيح موده.. ترابك بدم الطاهرين رواه دما وقبله دم بوه وجده.... تقول عطر لاهب النسوم ثراه وفيهم اللي ديما امبرد خده...ان جاء الكرب ديماحاط ديه وراه..
خلك من الكلام ,,, ان قتلك درت في اغيابك عزام ,,, امغير كلام خلك راه غير دي ,,, وراس البيت ما تحسب على شاعر قال نا منه بري ,,, عقله قيس ما يسوى غرام والا جن برامبه عصي ,,, عزمه جاب في نص الكلام بكل وضوح والصوت القوي ,,, ولا ماخاف لا حاسب ملام خلك من القطاف ,,, حتى القول نا منه انخاف يوصل فيك ويسبب اخلاف ,,, خلافك شين تبيله عزام وعزمي وين يبرمبه ارياف ,,, يرفع طول رايات السلام خلك من السهاري ,,, ان قالو قول نا عنك مواري والا شي دارنه انضاري ,,, حتى حلم في اوقات المنام ايام العمر نصبرهن اجباري ,,, لو شكيت في الحلم اتهام
خوذ عهد منى نين نبقى شايب !! طـــول الحياة نبقوا اثنين حبايب !! نين يقرب قبرى ** ونين الحياة تمشى وينشف حبرى انصــــون الغلا حتى ونا فـى كبرى ولوكـان تبقى من حيــــاتى غايب نين يكثر شيبى ** ومـازالت ياغالــى نقـــول حبيبى ماتشوف عمرك لا خطاء لا عيبى والعمـــر كلـه بيــك هايــم ذايـب نين يكبر سنى ** وانت معـاى تكـــون قطعه منى حالــف حلوفــه ما تباعــد عنى حتى انجنـى فالزمــان مصايب نين عمرى يزيد ** وانت غـــلاى وشمعتى فالعيد وما نكـــون عنك ياعـزيـــز بعيد حتى انكان الوقــت ياما جايب.
نتى اصغيرة مازال ياما تبي *** ونا اكبرت واجد والزمان العبي عندك صورة *** جميلة وعينك واسع مقرورة وردة نبتى فى وطا امحجوره *** جسمك تبارق والغثيث امهبي وانتى وين ما حط الغراب اطيورا *** ونا بي سواق الرحيل امجبي وناعارفك مانك ابضاعت بورة *** غزال غير فى وسط العرب متربي وقربك أيلطف عن النديم أشعوره *** أتقول غصن ياسمينة أبريح اتهبي وانتى نورعايش فوق سطح الكورة *** ملاك غير فى لبس البشر متغبي وفي ملعبك ناوي انطق الكورة *** أنريب أعصابي ترتخي وانصبي مرة أمعاك أنقول نعلن ثورة *** ثورة أمواج انهار ميسيسبي ونهدم حواجز صاعب مديورة *** نين ترضخيلي والشروط أتلبي ساعة أتكون أمعاك مي منكورة *** ضربت الموجيرة ابري الكبي
كلمة انساني ياعزيز غريبه..واحنا بينا ماضي طويل سريبه... (مستغربها كيف وعليش وليش وشن سببها..كلمة اتهد الروح واتعبها..وكيف طاوعاتك اصوابعك تكتبها..وكيف جابها النقال فمكاتيبا..لابا جهاز العقل يستوعبها..ولاالقيلها تعريب في تعريبا..!بالله راجع وكلمتك صوبها!!خوف وندم يابو اعيون رغيبا..
وبان جرحهن فيه تعفين @@ نزح وبانن اعظامه تدشيش بان فيه كسرين @@ اكبار عجزن في اظمامه كسر التعب والترهدين @@ خيم علياه ظلامه وكسر الوعود خراب شين @@ مايجيبلك شي سلامه لا يعرفن عطف ولدين @@ ويحرض ع الذمامه ما يصالحن بين لثنين @@ ولا يعرفن شي ملامه ونكان حرت بين قوسين @@ ايعلن رديمك اكوامه ونكان دردزن با تشكلين @@ ايخلن اطرافك حطامه ونكان تهت بين امرين @@ يزيدن في عقده ازمامه زعازيع عيت غليين @@ خلن النوره عتامه ما يعطفن ع القزازين @@ خرابت جميع السقامه وما يعرفن شي قريبين @@ ولا الضيف يبن اكرامه ما يلبسن شي جديدين @@ والثوب ايقصن اكمامه وما يفرحن لسعيدين @@ عصاصيرهن دارن برامه وما يعشقن في نساوين @@ ويمررن لذيذ الطعامه ولا يعطشن من حول عامين @@ جذب في عروق الدمامه ويخشن في كل التراكين @@ ويخطرن في اوهامه كم باب للصبر حطين @@ ما اوحلن في احكامه نا انسان مخلوق من طين @@ يا مباعدات الغرامه نا انسان نعشق الدين @@ ونتن اتجيبن غمامه نا مركبي صار نصين @@ كل نص عدا دشامه اصنع جرحكن من براكين @@ طفافيركن يا الله السلامه ودارن القصري كراطين @@ ومن لارض شالن ارخامه وشالن ابوب البلاكين @@ والبيت وخذن ارمامه والناس تمو عطيبين @@ وما اتجيك غير الشتامه ونمد ليمنه انريد وحدين @@ ينشلو غريق دوامه ايجنهم زعازيع جرحين @@ طراطيش يمشو في الدهامه عليه عيطن يا وشاشين @@ عيطه شديده @@ بالك ايجيه الغير يلقي سنيده
اهمسلي قول راك انت دلالــــــي ... لنار الشوق كلماتك بـرود همسك نغم يسرح في خيـــــالي ... يسحر في كي رنة العود
برضك برضك تحرك انوض معاك نا في عرضك حطيت اصبعك ع الجرح ع الجرح ومليعني اتحرك انوض معاك يا جرحني انريدك اتروف علي وتسامحني وانكان متت ياغالي ادفني في ارضك
دللتني نين عقلي زهــابك وكثــروا أصحــابـك غريتبي الله غربك في شبابك دللتني نين خفيت باســي اودوخـت راســــي
علي راحتك عدي بهواك و خلي باب الغلا ما بينا مفتوح يمكن عليك يقسى الحنين و تولي تزهر جناين وردنا المجروح
على راحتك عدي بلا توديع على راحتك ما بينا توجيع و كان الخريف صادف اوراق زمانك غير ارجعي تلقي هواي ربيع علي راحتك
خذيت قراري ما عد نجبد للغوالي طاري حاسم وما نرجع خذيت قراري قراري حاسم ..... ووحالف عليهم باليمين وقاسم ونا كي انخاصمهم صحيح انخاصم حتى انكان داره امقابله في داري خذيت قراري وحق الربعه حتى لو خلاص ايقول بدل طبعه ما عاد نشرب من سواقي نبعه ولا عاد يطمع من جديد سهاري خذيت قراري عليه ختمت بالعشره و زاد اخرى عليه بصمت خليه يعتبرني في غلاه اندمت ونزوه سببها طايشات انظاري خذيت قراري ما عاد نجبد للغوالي طاري حاسم وما نرجع
يالــــعنــيـــــده تقديعك علي لوهام راه مكيــــده بالله أصـــبـــري . عليـــا حني وااااجد اللي درتيه فيّ اتّعني لو رايدك مايوم خيب ظني يكفي جفـــاه ونظــــــــــرته الزهيده
